"Еңбек адамы- қоғам тірегі"
Ұстаз болу жүректің батырлығы,
Ұстаз болу сезімнің ақындығы - деп ақындарымыз өлеңдеріне арқау еткен мамандықтардың ұлысы ол- мұғалім.
Өзінің саналы ғұмырын бала тәрбиесіне арнап жүрген әріптесіміз, зейнеткер ұстаз Тулеуова Айсулу Кайрушевна. Биылғы оқу жылында ұстаздық еткеніне 50 жыл толып отыр, осы уақыт аралығында қаншама оқушылардың білім шырағын жағып, болашақтарына түзу бағыт бере білген. Өзінің жолын қуған шәкірттері Республикамыздың түкпір- түкпірінде ұстаздық жолын жалғастыруда.
Өз жұмысында жоғары нәтижеге қол жеткізіп жүрген мұғалім әріптестерін өз үлгісімен жігерлендіріп отырады. Алдағы уақытта Айсулу Кайрушевнаға мықты денсаулық, шығармашылық табыс тілейміз.
