Ақиық ақын Мұқағали Мақатаевтың туған күніне орай қазақ тілі мен әдебиеті пәнінің мұғалімдері мектеп оқушыларының қатысуымен “Өсіңіз, Жетіліңіз, Тасқындаңыз” тақырыбында әдеби - сазды кеш ұйымдастырды.
Ұйымдастыру барысында мұғалімдер ақынның жан-жақты қырын зерттеп, оқушылар бойына сіңіре білген. Әрбір оқушы өнерін көрсету барысында ақынның өлеңдер дүниесіне жан тәнімен кіріп, бойларына сіңіре алу барысында байқадық.
Ақынның ең алғаш дүниеге келген сәтін, әжесі Тиынның тәрбиесінде болып, 10 жасынан бастап Анасына арнап өлең шығара алу қабілетін, оқу оқып, жұмыс барысында басынан өткерген қызық та қиыншылық сәттерін, Лашын атты қызға ғашық болып, “Ғашықпын” өлеңін шығарып, соңында отбасылы кездері мен, жаман аурудан 45 жасында көз жұмған кезеңдерін бәрін оқушылар сахналық қойылыммен сомдап, көрермендердің ішкі дүниелеріне жеткізе білді.
Әрбір сынып оқушылары ақынның кез-келген тақырыпта шығарған өлеңдерін жатқа оқып берсе, мектебіміздің талантты әншілері ақынның сөзіне жазылған әндерін шырқап берді.
“Аққулар ұйықтағанда” поэмасы мен “Жетімдер” өлеңін де көрініспен сомдап, қошеметке ие болды.
Ел арасында кеңінен тараған
“Есіңе мені алғайсың” өлеңін оқушылар әнге қосып, өлеңнің шығу тарихын да жеткізе білді. "Мұқағали 1976 жылы қайтыс болды. Сол кезде Нұрағаң (Нұрғиса Тілендиев) қатты қайғырды, жылады. Мұқағали өмірден өткеннен кейін Нұрағаң қағаздарын ақтарып жатып, "Есіңе мені алғайсың" өлеңін тауып алды. Қағаздың астына қойып кетіпті. Сол поэзияны оқығаннан кейін Нұрағаң ағыл-тегіл болып жылады. Тура сол күні ән шығарды", - дейді Нұрғиса Тілендиевтің жары Дариға Тілендиева. Ақын өлерін сезгендей, осы бір керемет әнді артынан қалдырыпты. Ақиық ақынның өзі өлсе де, артында хаты өлген жоқ екенін, шырығының ешқашан сөнбейтіндігін оқушылармен көрсете білді.
Жылда ақынға арнап кеш ұйымдастыратын пән мұғалімдері мен мектеп оқушыларынаналдағы уақытта да тың дүниелер күтеміз!
