4-сынып оқушыларымен «Кітап әлемінде» тақырыбында квест ойыны өткізілді. Іс-шараның негізгі мақсаты – оқушылардың кітап оқуға деген қызығушылығын арттыру, білімдерін кеңейту, логикалық ойлау қабілеттерін дамыту және топпен жұмыс жасау дағдыларын қалыптастыру болды.
Квест ойыны бірнеше кезеңнен тұрды. Әр кезеңде оқушыларға балалар әдебиеті бойынша сұрақтар, жұмбақтар, логикалық тапсырмалар және шығармашылық тапсырмалар ұсынылды. Оқушылар топтарға бөлініп, берілген тапсырмаларды орындау арқылы келесі кезеңге өтіп отырды. Тапсырмалар кітап кейіпкерлерін тану, шығармалардан үзінділерді анықтау, мақал-мәтелдерді жалғастыру және ребустар шешу сияқты бағыттарды қамтыды.
